Birinci Qarabağ müharibəsinin uğurlu əməliyyatlarından olan Horadiz döyüşlərində peşəkar tankçı kimi düşmənə qan udduran qəhrəman şəhidlərimizdən Nəcəfov Məzahir Ramazan oğlunun bu gün doğum günüdür. Məzahir 28 iyun 1973-cü ildə Culfa rayonunun Yaycı kəndində anadan olmuşdur. Şəhidimizin doğum günündə onun xatirəsinə tikilmiş bulağın ətrafında Culfa Rayon İcra Hakimiyyətinin əməkdaşları şəhid ailələri, rayon ictimaiyyətinin nümayəndələri və kənd sakinləri iştirak ediblər.