Naxçıvan Muxtar Respublikası Kənd Təsərrüfatı Nazirliyi “Naxçıvan Aqroservis” Açıq Səhmdar Cəmiyyəti, Culfa Rayon İcra Hakimiyyəti və Culfa Regional Dövlət Aqrar İnkişaf Mərkəzin birgə təşkilatçılığı ilə Əbrəqunus kəndində torpaq mülkiyyətçilərinin iştirakı ilə tədbir keçirilib.
Tədbirin keçirilməsində məqsəd texnika, texnoloji avadanlıqlar və suvarma sistemlərinin satışı, aqrotexniki xidmətin göstərilməsi, yeni nəsil texnika və texnoloji avadanlıqlara tələbat haqqında kənd təsərrüfatı məhsulları istehsalçılarına ümumi məlumat verməklə, istehsalçıların fəaliyyətini yaxşılaşdırmaqdır.